కలల సౌధం.. ప్రారంభానికి సిద్ధం

 

న్యూస్‌టుడే, పాత శ్రీకాకుళం:

శ్రీకాకుళం నగరంలోని 80 అడుగుల రహదారిపై రూ.5 కోట్ల వ్యయంతో నిర్మించిన బీసీ భవన్‌ చివరకు వినియోగానికి సిద్ధమైంది. మహాత్మా జ్యోతిరావు ఫులే జయంతిని పురస్కరించుకొని శుక్రవారం మంత్రి కింజరాపు అచ్చెన్నాయుడు ఈ భవనాన్ని ప్రారంభించనున్నారు.

2014-19 మధ్యకాలంలో అచ్చెన్నాయుడు బీసీ సంక్షేమశాఖ మంత్రిగా ఉన్నప్పుడు ఈ భవనానికి మంజూరు సాధించి, నిధుల విడుదల జరగింది. అప్పట్లోనే 90 శాతం పనులు పూర్తయినప్పటికీ, వైకాపా పాలనలో మిగిలిన నిధులు విడుదల చేయకపోవడంతో భవనం ఐదేళ్లు అర్ధాంతరంగా మిగిలిపోయింది.

ప్రస్తుతం కూటమి ప్రభుత్వం అధికారంలోకి వచ్చాక తక్షణమే నిధులు మంజూరు చేయడం వల్ల నిర్మాణ పనులు వేగంగా పూర్తయ్యాయి. దీంతో భవనం చివరకు ప్రారంభానికి సిద్ధమైంది. ఇకపై ఈ భవనంలో బీసీ వర్గాల సమావేశాలు, ఉద్యోగ మేళాలు, నిరుద్యోగులకు ఉచిత శిక్షణ శిబిరాలు, ఇతర కార్యక్రమాలు నిర్వహించనున్నారు.