గ్రామ పరిపాలనను గాడిలో పెట్టేందుకు సచివాలయాల హేతుబద్ధీకరణ

 

న్యూస్‌టుడే, పలాస, పొందూరు, కవిటి గ్రామీణం:
వైకాపా హయాంలో గతి తప్పిన గ్రామ పరిపాలనను పునరుద్ధరించేందుకు కూటమి ప్రభుత్వం కసరత్తు ప్రారంభించింది. ఇందులో భాగంగా గ్రామ/వార్డు సచివాలయ వ్యవస్థలో హేతుబద్ధీకరణకు శ్రీకారం చుట్టింది. జనాభా ప్రాతిపదికన ఉద్యోగులను కేటాయించి ప్రజలకు మెరుగైన సేవలు అందేలా చర్యలు చేపట్టింది.

ఉద్యోగుల పునర్విభజన ప్రారంభం

శ్రీకాకుళం జిల్లాలో 732 గ్రామ/వార్డు సచివాలయాల కోసం ప్రస్తుతం 6,476 మంది ఉద్యోగులు విధులు నిర్వహిస్తున్నారు. తాజా ఆడిట్‌ ప్రకారం, 1,534 మంది మిగులు ఉద్యోగులుగా గుర్తించారు. జనాభా ప్రాతిపదికన సచివాలయాలను మూడు కేటగిరీలుగా విభజించారు:

• ఏ గ్రేడ్: 2,500 జనాభా లోపు – 6 మంది సిబ్బంది

• బీ గ్రేడ్: 2,501 నుంచి 3,500 జనాభా వరకు – 7 మంది

• సీ గ్రేడ్: 3,501 జనాభా పైగా – 8 మంది

జనరల్, స్పెసిఫిక్ ఫంక్షనరీలు

ప్రతీ సచివాలయంలో జనరల్ పర్పస్ (మల్టీపర్పస్) మరియు స్పెసిఫిక్ (టెక్నికల్) ఫంక్షనరీలు ఉంటారు. స్థానిక అవసరాల ప్రకారం సిబ్బందిని నియమించేలా ప్రణాళిక రూపొందించారు.

మిగిలిన ఉద్యోగుల భవితవ్యంపై చర్చ

హేతుబద్ధీకరణ అనంతరం 4,942 మంది ఉద్యోగులు సచివాలయాలకు కేటాయించే అవకాశం ఉంది. మిగిలిన 1,534 మందిని మాతృశాఖలకు గానీ, ఇతర విభాగాలకు గానీ సర్దుబాటు చేయాలా అనే అంశంపై అధికారులు చర్చిస్తున్నారు. ఇందులో ఇప్పటికే ఇతర శాఖల పరిధిలో పనిచేస్తున్న 666 మంది ఉద్యోగుల సేవల వినియోగంపై చర్చ కొనసాగుతోంది.

సర్కారు ఉత్తర్వుల మేరకు

‘‘గ్రామ, వార్డు సచివాలయాల హేతుబద్ధీకరణను ప్రభుత్వ ఉత్తర్వుల ప్రకారమే అమలు చేస్తున్నాం. ఏ, బీ, సీ కేటగిరీలుగా ఉద్యోగులను కేటాయిస్తున్నాం. మిగిలిన వారి భవితవ్యంపై ప్రభుత్వం విడుదల చేసే మార్గదర్శకాల ప్రకారం చర్యలు తీసుకుంటాం,’’ అని గ్రామ, వార్డు సచివాలయాల సమన్వయకర్త ఉదయ్‌కుమార్ తెలిపారు.

ఈ ప్రణాళికల అమలుతో గ్రామ పరిపాలన మరింత సమర్థవంతంగా, సమీకృతంగా నడవనుంది.